an igot

marampag ka manahon
marasa an hinog mo nga bunga.
inaasukaran, ginlolonggong ...
kundi paghirot la mana
kay bangin atkan an bado mo nga pula.

marampag ka manahon
kahoy nga igot
nailob han hangin han bagyo
hataas an im pamahongpahong.

marampag ka manahon
sirongan han butlawon nga paragdalos
ha sanikad bukid namon
kahoy namon nga saraka-on.

marampag ka manahon
sirongan han katamsihan ...
mga salag amon panunudyon
bang manla bunay han tikoy am hitudyan.

inoli ak makausa panuroy ha im
wara ka na dida ikaw nasinga-in.
an sering ni apoy wara ka daw ilob
makusog nga bagyo, mabagsik nga hangin.

ginpulod ka nala ginhimo nga sungo
ambot kon maglaga magtig-a sanga mo.
wara na daw sisirongan paragharas, paragdalos
tagbaya, kurokuro, tikoy man nga tamsi ko.


Originally posted on october 22, 2004

Posted by tatay memo at 7:21 AM